Snapchat ah a rualpi pawl in a taklawng video an thlah ruangah that aw

Home » Thuthang » Leitlun Thuthang » Snapchat ah a rualpi pawl in a taklawng video an thlah ruangah that aw

By vcth on November 10, 2017.

Florida, Wesley Chapel ah kum 15 fala nute cu ti a kholh lai video a rualpi pawl in a thupten an zuk ih Snapchat ah an thlah. Cui Video ruangah ningzak in a mah le mah a that aw.

Tovonna Holton-Teamer cu Wiregrass Ranch High School, Wesley Chapel ah tlawngta thar a si. Tlawnginn tikholhnak ih ti a kholh lai cu a rualpi/tlawngta pi hrekkhat in a thupten video an rak zuk. Cui video cu Snapchat ah an post.

Levon Holton-Teamer, Tovonna ih a nu, cun, ‘na khan thian fai aw,’ tiah a fial. Nan ziang thawmvang hman a thei lo ruangah a nu cun a va zoh. Tikholhnak khan cu a sunglam ih a kalh. A nu cun sangka a baoh ih cutin tikholhnak khan ah a lut. A nu cun a fanu cu thisen thawn a khatmi a hmu. A nu ih a hmu ahcun Tovonna cu a rak thi zo.

Pasco County palik pawl in hi fala nu hmuhsuamnak video a tuahtu le a thlahtu pawl cu an zingzoi reo lai. Vanduai tong innsungsang lam tla in hi thu ah dikfelnak a um dingin le hmuhsuamnak video tuahtu pawl cu daantat dingin an dil.

Source: News Channel 8

Na ruahnak