Tulai san cu dengfel fimthiamnak san (IT) a si vekin Social Media pawl hi an thupi zet. Social men, zatlang nun men lawng ah si lo in Pursum lam, Politic lam tiang hman thupi zetin an thiltitheinak a thleng.
Middle East ram pawl ih an tharthawhnak (Revolution) hrimhrim ah Social Media ziang tluk a thupi ti kan hmu thei. Kan kawlram hman zoh sehla, tusun ih thil a cang mi, NiangNganZi lam thuthang tete, zuk tete pawl tla thuthang website pawl hmankih rang sawn in social media ah a thleng hmaisa.
Cuvekin Pursum (Business) lam ah tla a thupi zet thotho. Curuangah company tampi tulai ih thupi zetih an ruahmi cu SMM (Social Media Marketing) le SMO (Social Media Optimization) hi a si.
Khat lamah Social Media ralrin a ṭulnak a um ve. Social Media ruangah hnaṭuan dawi a tuartu, hnaṭuan ngah ding a sinan ngah lo tu tla an um hnuaihni. Ziangah tile mi hrekkhat Social Media ah ka bulpak thil mi pi ih theih ṭul lo mi pawl kan rak tar lole mi comment kan pektikah mawi lo zetzet in kan comment cuvek tete in na ziaza, na nun can, ziang vek mi nung na si ti an lo thei thei.
Curuangah Social Media ah cun zatlang thil thu deuh, lole na peihmi thilthu-music thu, bawhlung thu, Wrestling thu, na duhduh a ngah ko, na personal image a lo siat tertu thil si lo ding a thupi.
Thil nan ti thei nasa, Rawm zuam vivo hrih uh