Socrates le Plato

Home » Cahram » Socrates le Plato

By vcth on March 17, 2010.

B.A (Thang), Salai

(1) Duhdawtnak

Nikhat ah Plato in a sazapa Socrates kha “Duhdawtnak” timi ziang si tin a sut.

Socrates in Plato kha sangvut hmuan sungah dunglam kir sal thei lo in voikhat a feh ter ih lamzin ah a ṭhabik mi le, a tum bik mi sangvut vui pakhat kha a rak keng ter.
A sazapa fial mi hi a ol zet ding ti zumnak thawn Plato cu sangvut hmuan sung a lut.

Sunvu ten sangvut hmuan sungah a um rero nan netabikah zianghman keng lo in mithmai ṭha lem loin inn a rak tlung. Socrates hnenah a ṭha bik tin ka zum mi sangvut vui pakhat ka hmu. Asinan pakhat lawng ka lak thei tikah a ṭhabik si pei maw tin ka ruat ih ka rak lak lo.
Khami hnakin a ṭha sawn mi a um lai ding tin ruahnak thawn sangvut hmuan a cem tiang ka ra hnu ah ka kut sungah zianghman a rak um lo timi ka thei tin a sim sal.
Socrates in “Duhdawtnak” timi khami asi tin a sim.

(2) Ṭhitawknak

Nikhat ah Plato in “Ṭhitawknak” timi ziang asi tin a sazapa hnen a sut lala.
Socrates in Farkung Hmuan sungah a hlan vekin a feh ter sal ih lamzin ah puai hrangah hmang dingin Fangkung kungkhat kha a lak ter sal.
Zirnak voikhat a ngah zo mi Plaoto cu tuiṭum ah cu sual lo ding in ralring nawn leh zumnak thawn a feh. Sunvu a rei ih a hnah tla a um lem lo mi, a mawi lemlo mi tin sim theih mi Farkung pakhat kha bang zet hmel thawn keng in a rak tlung.
“Himi hi a tha bik mi maw?” tin Socrates in a sut ih—-
“Pakhat lawng lak ding siih ka hawl rero lai ah a sia lemlo mi pakhat ka hmu tikah ka bang phah zo. Cutikah a ṭha bik maw? Ziang maw? timi ka ruat nawn loin ka rak keng tin a ti.
Socrates in “ṭhihawknak” timi khami asi tin a sim.

(3) Nunnak

Nikhat ah Plato in “Nunnak” timi ziang asi tin a sut.
A hlan vek thotho in Socrates in hramlak ah a feh ter sal.
Tuitum cu voikhat lawng silo in na duh zet na feh thei leh lamzin ih a mawi bik na timi pangper rak keng aw tin a fial.
Zirnak tam nawn a ngah zo ih Plato cu ralring ten a rak suak.
Ni 3 a rei tiang Plato a rak tlung lo tikah Socrates in a rak hawl.
Plato cu hramlak ah innte tuah in a um rero timi a hmu.
“A mawi bik mi pangpar na hmu zo maw?” tin a sut…
Plato in “himi hi a mawi bik tin kan sim thei pei maw?” tin a sut sal.
“Ziangruangah na lak lo?” tin Socrates in a ti.
“Ka lak sile a uai [ang ding. Ka lak lo le tla a uai thotho ding timi ka thei.
Curuangah amah te mawi ten a um rero kha ka zoh ding ih a uai hnu lawngah a dang ka hawl ding.
Himi hi ka pahnihnak a mawi bik mi pangpar asi.”
“Mmmmm,… Nunnak timi ih a san na thei ngah zo” tin Socrates in Plato hnenah a sim.

Na ruahnak