Solomon KMRH ih ‘Athar’ Album a suak cing ding

Home » Awnmawi » Solomon KMRH ih ‘Athar’ Album a suak cing ding

By vcth on November 18, 2017.

Solomon KMRH ih a pahnihnak Rock Pathian hla Album, “Athar” cu a rei hlan ah mipi hna ah ngai theih a si thlang ding.

Solomon KMRH ih Pathian thangthatnak hla ‘Athar’ album cu December sungah a suak ding tiah theih a si. Hih Album cu Chin Rock Pathian hla phuahtu Salai Rajiv ih tawlrelmi a siih hi album ah Rajiv ih phuahmi hla fing 9, John Lsl ih hla fing 1 le Solomon ih hla fing 2 an si ding.

Hi Album tawlreltu le hla phuahtu Salai Jiv in,

“Zaanttim Awnmawi pawl sponsor nak in Hla 13 Gospel Album hnu ah ka thinlung ih um ringring mi cu Rock hla in Gospel Album rori Solomon KMRH thawn tuah sehla ti hi a si. Kan dung nai te ih Run Inn tlun puai zik ah Cung Awng (CMA) tlawng ta mino pawl nih Run Inn Nuam ti mi hla an tum mi kha ka diriam tukih anmah thawn Gospel Rock Album tuah dingah in tul sinsin. Pathian nih lam in hruai ih ni mal lai in hla pawl a pawt vivo. Kei mah nih cu ka diriam nasa. A ngaitu hrang cu har deuh men ding,” tiah VCTH hnen ah a sim.

Solomon KMRH in, “Caan reipi Hla 13 hnu Gospel Rock album suah thei ding hla ngan in ka khawl nasa. Jiv thawn tu kum Run Inn Nuam hla in kan tong aw saal ih hih ‘Athar’ album suah ding a si cih, rinlopin Jiv hla pawl nih thinlung a laak tukih ka hla tel lo in a hla lawng tuah ka ti nan a duh lo ih ka hla pahnih a telnak si. Hih Album ah ka mood cu mihrek in asaang in au ciamco lawngah Rock hla an ruat ih saang tuk lo in aw cak ‘force’ hi thupi ih a niam ah saangah aw cak thupi ti ka lang ter duh. Cuvek in Awnmawi tumtu pawl in tla hla hrek hrawng cu C key drop in an tum ih awpi le a cak ‘force’ lam in ka sak ve, nan zaten kan “LAL Pathian” in lo thluasuah sin hai seh,” tiah a ti.

Chin hla in Pathian hla ngai ding a tam zet nan, Rock hla thiangten Pathian thangthatnak hla ngai ding hi a um cuca lo. Tu vekin Rock Hla thiangte thawn Pathian Thangthatnak Album a tawlreltu, Salai Jiv, parah siseh, hlasaktu Solomon KMRH parah siseh, a tumtu an zaten Pathian in a hmin sunlawinak hrangah hmang vivo hram seh.

Na ruahnak