Tedim ah KBZ le First Private Bank ong

Home » Thuthang » Chin News » Tedim ah KBZ le First Private Bank ong

By vcth on January 2, 2017.

Chin ramkulh Tedim khawpi ah private bank pahnih a simi KBZ bank le First Private Bank cu December thla a netabik zarh ah on an si.

December 23 ah Tedim ah KBZ bank onnak tuah a siih Tedim khua ih a hmaisabik le Chin ramkulh ih a 3nk private bank a si. Hi bank ih hnatuantu minung 31 sungah Tedimmi 23, Kawlmi 8 an si. KBZ Tedim branch cu Myanmar ramsung ih KBZ bank 430nk a si.

First Private Bank tla December 29 ah Tedim ah onnak an nei. Bank hnatuantu minung 15 ah Tedimmi minung 13 an si. Myanmar ramsung ih FPB a 30nk a si.

Chin ramkulh sungah Private bank 4 a um, cu pawl tla cu Hakha ah CB Bank, Falam ah KBZ le Tedim ah KBZ le FPB pawl tla an si.

 

Na ruahnak