Thlawsuah Malza Kan Lo Ngen Ee

Home » Biazai » Thlawsuah Malza Kan Lo Ngen Ee

By vcth on June 18, 2011.

.


Cung Pathian hnatuantu
Ram le miphun duhdawttu
In dinpi in, lam in hruaitu
Kan “PA” le ni sunglawi a thlengsal ee
Nan fale Chin mino ra suakkhawm in ee
Mizan le tuisun hruaitu kan “PA”
Chin thuanthu neitu kan “PA”
Sunglawih upatnak kan lo pe
Thaisun hruaitu mino
Chin thuanthu ngantu mino
Nan fale kan si theinak ding
Thlawsuah malza kan lo ngen ee
Can sunglawi kan neih lai ah
A ram le miphun hrangah
Bawipai’ Thlacam kan saal tlang ding
“Vancung ih Na duhnak a kim bangin
Leitlun khalah kim ve seh”
Pai’ ni sunglawi hngilhlonak ah
Chinram le Chin miphun hrangah
Bawipai’ Thlacam kan saal tlang ding
“Vancung ih Na duhnak a kim bangin
Chinram khalah kim ve seh”

.
Salai Ayete (Vankau)

Na ruahnak

One Response to Thlawsuah Malza Kan Lo Ngen Ee

  1. SST   October 7, 2011 at 6:32 am

    Vancung ih na duhnak a kim bang in
    Chinram ah khal kim ve seh.

    Tha tuk..kim hram seh!