Thudik Hrulh-hram

Home » Cahram » Thudik Hrulh-hram

By vcth on September 12, 2012.

Voikhat ah Tinbawta (Sailor) pakhat lawng pakhat ah kum thum sung hna a ṭuan. Zaan khat cu a duty caan ah zu a ri. A hnaṭuan kum thum sung ih a voikhat zu a ritnak a si. Captain pa in lawng cabu ah “Tu zaan, hi Tibawta pa hnaṭuan caan ah zu a ri,” tiah a ngankhum.

Tinbawta pa in cui ngankhum mi a hmuh tikah a thin a nuam lo, a hmailam ṭhansonak a phit tu a si thei tiah a ruat. Captain pa hnen ah ngaithiam a dil. “Zangfahten cabu sung ih na ngankhum mi ah, kum thum sung ah a viokhat zu a in nak a si tin in bet sak aw. Cu lo le mi in zaan tin zu in ah in ruat ding,’ tiah a ti. Captain pa in ‘a ngah lo thudik cu thudik a si’ tiah a sawn.

Zaan khat cu Tinbawta pa ih Lawng cabu a ngankhum caan a thleng ve. A ngankhum mi cu, “Tu zaan kan captain pa zu a in lo,” ti si. Captain pa in cui ngankhum mi a hmuh tikah a lung kim lo ngaingai. Tlangval pa hnen ah a feh ih, “Captain pa tu zaan zu a in lo ti cu, zaan dang zu in ringring ah mi nih in ruat ding. Zamrang ten na ngan khum mi rem aw tiah a ti.” Tinbawta pa tla cun, “thudik cu thudik a si,” tiah a sawn ve.

An ngan khum mi cu a dik veve ko, asinan thuhla phun dang, ruah sualnak ah a feh pi thei. Thudik kan sim tikah hrulh-hram lo ding a thupi.

Francis Cung Bik

Source: BEWARE OF HALF-TRUTHS OR MISREPRESENTATION OF TRUTHS

Na ruahnak

3 Responses to Thudik Hrulh-hram

  1. Pathuam   September 13, 2012 at 1:55 am

    A tha ka ti, ka hni rero thungai a si fawn.

  2. Biak Lian Sang   September 16, 2012 at 3:42 am

    VCTH pawl nan ca ka siar ringring, a tha thei nasa. Zuam sinsin uh.

  3. siamte   September 20, 2012 at 6:23 am

    a tha zet, na thiam na sa. fimnak tam zet a keng tel in ka hmu, hi ti vek ih fimnak a keng tel cih mi cahram tawi lole thuanthu tawi te hi in tawm ring ring uh.