Ti leh Khuat

Home » Cahram » Ti leh Khuat

By vcth on December 12, 2013.

Khuat

B.A (Thang), Salai

Hna ṭhaṭha ṭuan rero zo mi rual ṭhenkhat in an phunsang tlawng sazapa hnen an va leng. Sazapa tla a tlawngta pawl a tong ngah sal ih a lungawi ve zet.

Sazapa hnenah a tlawngta pawl in an hnaṭuannak thu pawl an sim. A tam sawn cun minung daan in an thinbang thu leh an remcang lo thu lawnglawng an sim tam.

An sazapa cu hni siamsi in coka lamah a feh ih Khuat (Cup) pawl a va lak. Cuikhuat, plastic khuat, phan khuat, steel khuat, khuat menmen le a man khuang zet mi khaut hai tiin a ret. Sazapa in a tlawngta pawl kha ti in ding hrangah khuat a lak ter.

A tlawngta pawl ti khuat khat cio an ngah zo hnu ah sazapa in “nan hmu maw? Khuat pawl sungah a mankhung mi le a mawi mi khuat lawng nan hril ih a dang a mawi lo mi le a man ol mi khuat lawng a tang. Mah hrangah a ṭha bik lawng duh mi cu minung daan a si. Asi, cumi hrimhrim hi nan sim rero mi remcang lonak pawl le lungkim awklonak pawl ih a hramthok a si. Ngaingai ih nan duhmi cu ti a si. Khuat asilo. Asinan nan zaten nan thinlung thup in a ṭha deuh mi khuat nan hril.

Minung nunnak khal ah cutin vek thotho asi. Nunnak hi “Ti” thawn a bang awk ih, hnaṭuan le paisa cu minung kan zatlangnun(society) sungih pakhat asiih “KHUAT” thawn a bang. Cumi pawl hi minung nunnakah in ṭanpi, in sawmdawltu ding thil an si. Cumi pawl ruangah nunnak ih a sullam, a muril cu a thleng thei lo. Curuangah khuat pawl lawnglawng nan zoh tuk asile, a sung ih um mi ti ih a thawtnak le ṭhatnak nan tep thei lo ding.

Na ruahnak

One Response to Ti leh Khuat

  1. Lungbawk brother   March 15, 2010 at 4:53 am

    Khuak si lo in "Khuat" ti sehla a siar a rem deuh pei maw?