Tlawmngainak

Home » Cahram » Tlawmngainak

By vcth on August 18, 2013.

Francis Cung Bik

A laim zo mi kum tawkfang ah Holland ram ih tlangval pa te pakhat, Hans ti mi pa in mah hrang ruat lo ih tlawmngainak thinlung nei ding in i zirh ngah.

Holland ram, nga kai ih pumcawm awk mi khawte pakhat ; an khua cu tipi thuanthum kap ih um a si vekin nikhua sia, tilik, tisuar a tho caan ah cu harsatnak an tuar ringring. Curuangah lungtho tlawmngaitu (volunteer) an ṭul ringring.

Nikhat ni cu an khua ah tisuar tilik a tho. Inn le lo pawl le mi nung tampi tisuar in a lak. S.O.S lawng in zo ha tlawmngai theitu ding, volunteer mi bawmtu kan ṭul tiah an run than. Tlangval no ten, kum 16 kuam a si mi Hans cun cui kawhnak aw a theih in a hniphuan a thleng aw. Tifiangriat sungih a hlo mi pawl hawl dingin a pok suak tum.

A nu in mitthli thawn, ‘ka fa, ka fa pate, nang mah lawng hi ka neihmi na si thlang. Na pa mi a bawm ruangah amah a nunnak tifingriat sungah a liam, na uu te pahnih kan dung zarh ah mi bawm ding in an feh ih tu tiang an kir sal nawn lo. Nangmah lawng hi ka lo neih mi na si thlang. Feh hram hlah aw. Zangfah ka lo dil,’ tiah mitthli thawn a ṭahhnawh.

A fapa cun, ‘ka nu na ninghnag in na mitthli tla ter hlah, hih thil cu ṭuanvo a si. Ka pa a ṭuanvo a ṭuan, ka uu le pawl an ṭuanvo an ṭuan, tu kei mai caan a si. Mi run ding, mi bawm ding ti sawmnak aw a thei ih dai ten a um men tu ka si lo mi par ah lungawi in um aw,’ tiah a nu cu thazang a pe.

Nazi tawkfang a rei. Ti khu le cumci pawl lak in mi run tu lawng ( rescue boat) te a rak lang. Hans sidawh a si. Mi run tu pawl an hotu pa in Hans cu, ‘mi hlo na hmu maw?’ tiah a sut. Hans cun, ‘aw……’ A bang zet ih thaw tla a thawt thei lem lo, cutin a ṭong a peh, ‘pakhat ka hmu, ka nu kha sim uh, cui ka hmu mi cu kan dung zarh ih a hlo mi ka uu, Paul a si.’

Rescue at Sea

Rescue at Sea by Dan Clark

Na ruahnak