Ttihnungza Cengkol le Saihnit

Home » Thuthang » Leitlun Thuthang » Ttihnungza Cengkol le Saihnit

By vcth on November 22, 2017.

Leitlun hi nitin in thilmak taktak a suakthar vivo. Cuvek a um thei lo ding ti ding khawp in thilthar mak cu a suak vivo. Tukhal ah Thailand ram ah Cengkol phun khat le Saihnit phun khat danglam zet a suah ruangah Thailand ram cozah cun a mipi ralrinnak a pek thu theih a si.

Tui a suakthar mi Saihnit le Cengkol hi sahtan khal ah an thi thei lo. Saihnit hi tan li tan nga ih sahtan khal le an thithei cuanglo hlei ah thampang le an taksa in nathrik a kai betbet lai ti a si. Cengkol khal suttawk khal le a thi cuang lo ih anmah ihsin fa dang a suaksal ciamco. Saihnit khal tanbul khal sehla a taksa sungin fa dang a suaksal ciamco thotho ti a si.

Hi Saihnit le Cengkol hi ramdang ihsin an lei mi hanghnah hangrah ihsin an ram ih ra lut mi in an thei. Cuihlei ah ti lenlai ih tihna lam ihsin ra fen khal an um ding thu an zum.New Guinea ram le Australia ram ih hmuh a si theu mi hi Saihnit le Cengkol in nathrik tampi an pai thu theih a si.

Hanghnah hangrah a hring ih ei theutu pawl an ei mi faite ih an kholh lo ruangah hi nathrik pawl an tel thei tilawng si loin hanghnah hangrah pawl hi hi rannung pawl in an palzo mi a si ahcun nathrik a kai thotho ruangah ei ngah pang le natnak ngahcih a si. Cuiruangah hanghnah hangrah cu tihlum thawn khawlhfai lole Cite thawn khawlhfai ta tengteng ding a si.

Source: Times Of Chinland/KC Sum

Na ruahnak