Tuluk Siangpahrang Inn

Home » Hmun Le Hma » Leitlun Hmun Ropi » Tuluk Siangpahrang Inn

By vcth on January 3, 2014.

Beijing_Forbidden_City

Tuluk Siangpahrang Inn, Dawnkhawmmi Khawpi ti tla ih kawhmi (Forbidden City) Ming Dynasty ihsin Qing Dynasty cem tiang Siangpahrang umnak a si. Beijing khaw laifang ah a um ih kum 500 lenglo Siangpahrang rian in a rak um. A tu ahcun piahtiak (palace museum) ah hman a si.

Hi Siangpahrang Inn cu 1406-1420 ah sak a siih inn 980 a um. A kau lamah 720,000 ma si. Inn pawl a zaten Tuluk style ih sakmi a si.

1987 ah hi Siangpahrang Inn cu World Heritage Site ah tuah a siih Leitlun zaanthing ih sakmi inn tumbik tla a si.

Yongle (Zhudi) siangpahrang a tuan in Beijing hi khawlipi ah a hmangih 1406 ah Lalinn sak a thok. Kum 14 rei ah a theh ih mipi tan 1 (1 million) in an sak. A saknak ah pi 100 lai a sangmi Phoebe zhennan timi zaanthing phunkhat hman a si.

1406 in 1664 tiang Ming Dynasty in an hmang. 1664 October ah Manchu pawl in Tuluk ram an do neh ih Siangpahrang Shunzhi a kai ih cutin Qing Dynasty pawl in Tuluk ram an uk. Qing Dynasty in an uk hnu ah Siangpahrang Inn tawk fang an rem. Tuluk style lawng siloin Manchu style tla mallai an rawi tel.

Hi Siangpahrang inn ah Lal 24 an rak um (Ming 14 le Qing 10). A netabik an Siangpahrang cu Aisin-Gioro Puyi a siih 1912 in Siangpahrang ukdaan a cem ih Siangpahrang inn cu museum ah hman a si.

Hi Siangpahrang Inn cu pi 26 sang hruang thawn le pi 20 thuk, pi 170 kau ti thawn kulh a si.

[nggallery id=10]

Na ruahnak