US media uktu “The Big Six”

Home » Cahram » Theihkauhnak » US media uktu “The Big Six”

By vcth on December 21, 2016.

Leitlun ih Media a cakbiknak ram a simi USA ah 1983 hlan ah US media ih 90% cu company 50 lenglo in an rak kai. Nan tuisun ni ahcun US media ih 90% cu company pi 6 in an kai. Cu pawl cu “The Big Six” tiah an ko.

The Big Six pawl tla cu Comcast, The Walt Disney Company, News Cooperation, Time Warner, Viacom le CBS Cooperation pawl tla an si.

1. Comcast Corporation

Comcast cu US ih broadcasting le cable television company tumbik le lianbik a si. Comcast ih a hminthangmi cable network pawl tla cu USA Network, Bravo, CNBC, The Weather Channel, MSNBC, Syfy, NBCSN, Golf Channel, Esquire Network, E!, Cloo, Chiller, Universal le Comcast SportsNet pawl tla an si. Comcast ih neih zat (lole a man zat) cu USD 74.51 billion a si.

2. The Walt Disney

Walt Disney cu US ih animation lam le entertainment lam ih hminthangbik media a si. Walt Disney cu entertainment lawng siloin cable tv le boardcasting tla an nei. Walt Disney ih a hminthangmi network pawl tla cu ABC Television Network, cable networks ESPN, the Disney Channel, A&E le Lifetime pawl tla an si. Cun The Walt Disney company tang ah Touchstone, Marvel Entertainment, Lucasfilm, Walt Disney Pictures, Pixar Animation Studios pawl tla an si. Walt Disney ih neih zat (lole a man zat) cu USD 52.46 billion a si.

3. News Corporation

News Corp cu US ih thuthlang thlahtu larbik a simi Fox Broadcasting neitu a si. Cable networks ah Fox News Channel, Fox Business Network, Fox Sports 1, Fox Sports 2, National Geographic, Nat Geo Wild, FX, FXX, le FX Movie Channel an nei. Thuthangca ah Wall Street Journal le the New York Post, Zuknung tuahnak lam ah 20th Century Fox, Fox Searchlight Pictures le Blue Sky Studios a neitu a si. News Coperation ih nei zat hi USD 40.5 billion a si ($31.9 billion cu 21st Century Fox inngahmi a si).


4. Time Warner

Time Warner cu leitlun cable network hminthang a simi CNN le CW telin hminthang network tampi neitu a si. TW ih neihmi pawl ah CNN, HBO, Cinemax, Cartoon Network/Adult Swim, HLN, NBA TV, TBS, TNT, truTV, Turner Classic Movies, Warner Bros. Pictures, Castle Rock, DC Comics, Warner Bros pawl an tel. TW ih a neih zat (a man zat) cu USD 28.11 billion a si. October thla ah AT&T in TW company lei dingin $85 billion in a zilh thu theih a si.

5.Viacom

Viacom cu Entertainment lam ih media tumbik pakhat a si. Viacom ih neihmi pawl tla cu MTV, Nickelodeon/Nick at Nite, VH1, BET, Comedy Central, Paramount Pictures, le Paramount Home Entertainment pawl tla an si. Viacom ih neih zat (a man) cu USD 13.794 billion a si.

6. CBS Corporation

CBS cu Entertainment, Cable Networks, Publishing le Local Broadcasting neitu company a si. CBS ih a hminthangmi pawl tla cu CBS Television Network, CBS Sports Network, Showtime, TVGN pawl an nei ih hlei ah TV Station 30 le Radio station 130 lenglo a neitu a si. CBS ih a neih zat hi USD 13 billions a si.

Na ruahnak