USA in Haiti mi minung 60,000 tlung ter ding

Home » Thuthang » Leitlun Thuthang » USA in Haiti mi minung 60,000 tlung ter ding

By vcth on November 21, 2017.

2010 Haiti ram linghninnak ruangah USA ih a langin rak um, hnatuantu Haiti mi minung 60,000 tluk cu Trump cozah in an ram ah an tlungter sal ding tiah theih a si.

Homeland Security Department in, “Haiti ram tla an dinhmun a ttha vivo thlang. Curuangah US ih a langih a ummi, temporary residency permit ih um, pawl cu tlunter an si ding. Haiti mi pawl hrangah timtuah awnak caan kan pek ih hi tlunternak cu 2019 in thok a si,” tiah an than.

Congress ah Haiti pawl um theinak caan thla 18 sung sauter bet dingin dil a si. Haiti President Jovenel Moise tla in Haiti ram cu duh vekin a tungding aw thei hrih lo ruangah a rammi pawl US ih um theinak caan Trump cozah in tthan dingin dilnak a nei. (Yahoo News)

Na ruahnak