USA in minung 30 Myanmar ram kuat-kir sal tum

Home » Thuthang » Leitlun Thuthang » USA in minung 30 Myanmar ram kuat-kir sal tum

By vcth on November 9, 2017.

USA ih um Myanmar rammi, sualnak tuah ruangih thawng tlak, minung 30 tluk cu US cun Myanmar ram ah a kuat kir sal tum tiah theih a si.

Donald Trump President a kai hnu in USA ram sungih ramdangmi sualnak tuahtu pawl cu an ram kuat kir sal hi thu-ngai thlak in hma an lak.

US cozah in kuat-kir (deport) ding pawl hmin cazin cu Myanmar cozah hnen ah an kuat zo. Myanmar cozah in cui hmin pawl cu Myanmar rammi an si ngai le silo acek dingih kuatkirnak an thok ding.

Myanmar rammi an si ahcun Myanmar cozah in Certificate of Identity (CI) a suah sak ding ih cutin kuat-kir theih an si ding.

USA ih kuatkir dingmi pawl Myanmar cozah in a cohlang lo a si ahcun USA in Myanmar ram cu USA thawn hnatuan tlang paih lomi ram cazin ah a thun ding tiah Myanmar ram Foreign Ministry zungih tuanvo neitu U Zay Yar Kyaw in a ti. Cui cazin ah Myanmar a tel ahcun Myanmar rammi hrangah US visa ngah a har zet thlang ding.

Source: RFA

Na ruahnak