VCTH Christmas Cibai

Home » Hmun Le Hma » Khual Tlawnnak » VCTH Christmas Cibai

By vcth on December 11, 2010.

Leitlun khuaza ramkip ih a um mi duhdawtmi Nu le Pa, U le Nau, hian le rual tla nan umnak kip ah dam le lungawi in nan um ding ti zumnak thawn VCTH in Cibai kan lo buk. Kannih Chinmi hrangah cun Christmas cu Biaknak thu le hla, dun le dan lawng siloin kan nunphung pakhat tla a si ve. Thluatlang dang um mi tampi cun hih a sunglawi mi Christmas caan ah kan lung len a zual ding ka zum. 
Christmas ih thuk le kau zet in kan zoh le kil tampi in kan zoh thei ding ka zum. Cui kil tampi sung ihsin a thupi zet mi pakhat cu Daihnak a si. Sersiammi leitlun ih Daihnak remnak leng ding hi kan Cung Pathian ih lungthlitum a si. 
VCTH tla in Kan Leitlun pi Daihnak remank leng ding thlaza kan cam. Ram le Ram, Miphun le Miphun karlak ah remnak leng hram seh. Biaknak, Pawlkom pawl karlak ah daihnak leng hram seh. Bulpak kan nun ah Daihnak leng hram seh.
 

Na ruahnak