VCTH le Miss CCUSA Cindy Din Suhtonnak

Home » Interview » VCTH le Miss CCUSA Cindy Din Suhtonnak

By vcth on October 2, 2014.

Cindy Din

VCTH: Hmaisabik ah na thuhla tawi in sim thei pei maw?

Cindy: Ka hmin cu Cindy Siangcinmawi Din a si. Ka pa hmin Saw Mya Din (former captain) le ka nu hmin Sen Kyin Lyan, ka u pa hmin Natan Sanukmang Din tla an si. Pego ramthen Pyay Myo khua ah ka suak ih Yangon ah ka thanglian. Kum 5 ka si lai ah Laitlang cu voikhat te in rak tlawngpi dah. November 2004 ah USA ka thleng ih cu mi lai ah kum 8 ka si. High School hi 2013 ah ka theh ih tu hi Frederick Community College ah a kum 2nk ka zir peh rero lai a si.

VCTH: CCUSA Miss 2014 ngah dingin na zum awk maw?

Cindy: Miss CCUSA ngah ding cu ka zum awk tuk lo. State tin kim in zuamawk a si tikah tuanvo neitu pawl in Maryland kan umnak state aiawih tu ding ah in fial ih ka zuam ve nak a si.

VCTH: CCUSA Miss 2014 na ngah ti an than mi na thei laifang te ih na feeling in sim thei pei maw?

Cindy:  CCUSA Miss ah ka hmin an than ka thei cu ka lau ih ka mangbang zet. Cu vek thiamthiam in khat lamah Miss timi upat sunloihnak ka co cu ka lungawinak zet.

VCTH: CCUSA Miss 2014 zuam dingin ziangtin timtuahnak na nei?

Cindy: CCUSA Miss 2014 zuam ding ih tim ka tuah mi bik cu, laitong in thusutnak pawl thaten ka let (answer) thei dingin ka zuam nasa.

VCTH: Pasal dingih na duhmi mipa hi ziangvek a si pei?

Cindy: Pasal ding ah cu, Pathian a duh zettu leh thinlung tha nei mi, fimthiamnak degree ngah mi, Hmel le ruang rai lam ah tla a zoh rem mi a si ding ih keimah in duhdawt zettu, rinsantlak pasal tha ka duh.

VCTH: Na duhbik mi thil pawl in sim thei pei maw? (Food, Drink, Movie, Actor, Actress, Hobby, Color and etc….)

Cindy: Ka duh bik mi ti le rawl pawl cu pee hang le nga pih kio, an tam hangfim an si ih in ding lam ah cu bubble tea le thai ice tea pawl an si. Movie ah cu action movie. Sport ah cu volleyball, favorite color ah cu blue a si ih music lam ah cun Praise and worship Christian hla pawl ka ngai tam, cun kei mai feeling thawn a kaih aw mi hla pawl khal ka duh.

VCTH: USA ih um Chin mino pawl ih an cahnak le cahlonak (strong and weak points) na hmuh daan in sim thei pei maw?

Cindy: USA ih um mi kan Chin mino pawl ih an cahnak ka hmu mi cu laimi pakhat le pakhat duhdawtnak an nei mi ka hmu. An cahlonak ah cu, fimthiamnak (education) lamah zirduhnak an nei mal deuh in ka hmu.

VCTH: Chinram tlawng ding na hiar maw? Na tlawng duhbiknak a san in sim thei pei maw?

Cindy: Chinram tlawng sal ka hiar zet. Ka u pa hnu ah Kan Chinram mawinak le, kan pupa san ih a tang lai mi inn le hlawn thil pawl tla ka hmu duh zet.

VCTH: Lairawl ah ziangmi na duh bik?

Cindy: Lai rawl ah cu ti sop, sa phrah le, mek phek phawm ka duh bik

VCTH: Chinram hi Kawlram lak ih a farahbiknak hmun a si. Millionaire si aw la Chinram hrangah ziang na tuah ding? 

Cindy: Millionaire ka si le kan Chinram hrang thansonak ding ih a tul mi hmuahhmuah a cang thei tawk in ka bawm ding, example tlawng tha, lamzin tha, van zam tumnak, electricity, tidai tha.

VCTH: 2014 Kum thar puai tuahnak ihsin hlawknak ziang na ngah? Hmun dang ih ummi Chin Community dangdang pawl in teh hi vek puai tuah ding a thupi tiin na hmu maw?

Cindy: 2014 Chin kum thar puai tuahnak ihsin ka hrang ih hlawknak ka ngah mi cu laimi rualpi tha tampi ka ngah hlei ah laitong le laica thiam ding in zir duhnak thinlung nasa takin ka nei mi hi a si. Hmun dang ih a um mi Chin Community dang pawl in tla kan laimi pakhat le pakhat rualrem duhdawtnak nei sin ding ‘ah le kan lai nunphung kilhimnak dingah a tul bik tin ka hmu.

VCTH: 2015 CCUSA Miss a zuamtu ding pawl hnen ah ziang na cah duh?

Cindy: 2015 CCUSA Miss zuam ding pawl hnen a ka cah duh mi cu, be confidence and do the best you can. Kan lai nunphung calai hngilh lo ding in ka cah duh. Keimah vekin laitong harsa lo ding in ka cah duh.

VCTH: USA um mino pawl hrangih challenge tumbik hi ziang a si?

Cindy: USA um mino pawl hrangih challenge tum bik ih ka hmu mi cu fimthiamnak zirduhnak le Pathian hngilh lo ding hi a si.

VCTH: Tu vekin caan pek in kan thu in letnak parah kan lungawi.

Cindy: Keitla hi ti vek in VCTH in in ngaihsaknak le can in pek nak par ah tampi ka lungawi. God Bless You All.

[aD3dCy6U-NM]

[blFm5-Qnh1E]

Na ruahnak