Violet of Myanmar zuktu pawl kai ding zuam

Home » Thuthang » Ramsung » Violet of Myanmar zuktu pawl kai ding zuam

By vcth on April 26, 2017.

Art of Myanmar Production ih tuahmi a hmaisabik Kawl apiaka, Violet of Myanmar, cu April 24 ihsin online parah a lar thok. A zuktu pawl an kai ngah zo ti thuthang a suak nan cucu a dik lo mi a si. Tu tiang ahcun zohman an kai ngah hrih lo.

Rampi palik bawi U Tin Win in, “hi thuthawn pehpar aw in a teltu pawl kai thei dingin kan zuam rero lai. Kai thei dingin mipi lam tla in nasa ten in bawm a ttul ding,” tiah a ti.

Myanmar ram palik CID (Criminal Investigation Department) le Cyber Crime lam ih thiam sang pawl hi an hlet hlai rero lai. Nan hi zuk ih a teltu hrekkhat cu ramleng ih ummi sing ding zum an um tiah theih a si.

Violet of Myanmar zuktu pawl cu pukmah 292, zoh a mawi lomi thil suahtu tiin kai ding an si. Palik bawi U Tin Win cun, “himi zuknung ih a teltu pawl hi an mai duhnak ih tel maw, midang ih hramhram ih fial (force) ih tel an si ti tla kan zoh a ttul,” tiah a ti. (Irrawaddy)

Mizaan ah MCNews in “Hi zuknung a zuktu pawl kai ngah an si zo. Zuknung a suahtu pawl tla cu Mg Pha, Myo Chi Mawng, Mg Ye Chit an si, zuknung ih a telmi nu cu hlawhhlang a siih a hmin ah Ma Kha Yi Pwint a si,” tiah a ti. Nan an hmin pawl zoh tik ah thu ngai a si lo. Ko Ko Gyi timi pa ih a mahten Facebook ih a duhduh a rak ngan mi an rak lak mi a si.

Violet of MyanmarViolet of MyanmarViolet of MyanmarViolet of Myanmar

Na ruahnak