Vuak le velh tuar cingin Pathian thuthangtha phuang

Home » Thuthang » Leitlun Thuthang » Vuak le velh tuar cingin Pathian thuthangtha phuang

By vcth on October 24, 2017.

India ram, Jaipur, Geejghar Vihar ah Pastor Walter Masih cu Pathian thuthangtha a phuang ruangah nasa takin vuak le velh a tuar.

Geejghar Vihar ih Hindu tlangval bur khat cu Pastor Masih inn an va siim ih Pastor Masih cu a nupi le a fanu kum 7 hmai ah nasa zetin an thawi. Cutiih an thawi phah in, “Jesuh an sualnak an thei lo, ngaithiam hngai aw,” tiah a au phah rero.

Cutiih tlangval pawl Pastor Masih inn an va siim cu kiangkap pawl in an zoh vialvial. Thawi a tuar thluh hnu in Pastor Masih cun inn hmai ih a zohtu mipi pawl hnen ah Pathian thuthangtha a phuang bet.

Pastor Masih umnak Rajasthan ramthen ah mipum 57 miliion an um, nan Khrihfa zumtu hi minung 100,000 hman an kim lo.

Pastor Masih cun, “Pathian thuthangtha cu ka aupi zel ding. Thuthangtha phuannak cu ziangtik hmanah ka cawl lo ding, ziangvek harsatnak ka ton khal ah ka aupi zel ding,” tiah a ti.

Na ruahnak