Wikileaks in Post Modern Media Hruang a Kau Ter

Home » Thlirnak » Wikileaks in Post Modern Media Hruang a Kau Ter

By vcth on June 19, 2013.

Publication Violation ti ding a theih maw? ti thu suhnak a um. Publication Violation ti ding in thil har zet a si. News pawl hmuahhmuah ih an suahmi permission ngah ṭheh a si ding na zum maw.

Thaṭhimnak ah Celebrity website ih soiselnak (gossips) an ngan mi pawl hi paparazzi pawl ih zuk pawl hi permission ngah mi a um ding ka zum lo. Cuvekin, Politician pawl an siosel awnak, Lehpan thiam pawl an thangsiatnak thuthang pawl tla an suah mi pa ih duhnak tel lo in a si mi a ta,pi ko ding. Cuvekin, hih Ral thuthup tla a tlun lam ih thil pawl vek thotho in ruat ah cu thu mak a si lo ding. Wikileaks cun US thu lawng si lo in Ram dangdang thu pawl tla dik le hman ih a suah thei vivo nak ding saduh a thah.

Wikileaks cun 2010 sung ah US military thuthup pawl 400,000 leng lo a suah. A hleice in Iraq le Afghanistan ih US ralkap pawl ih an cangvaih dan pawl kha a phorh suak ṭheh ta riar. Hih thuthup pawl Wikileaks in phorh suah ṭheh ruangah US cozah cu a lungawi lo ih a cang thei tawkin Wikileaks phit ding le an thlah cai mi cahram pawl la kir sal ding a tum.

Hih cahram in Wikileaks ziang a si ti a thuanthu sim hnak in tu a sa rero mi an case parah ziangtin ka hmu ti sawn ngan ka tum. Hih thil cang mi hi ka lai ṭong ih “Arpi lungsia sava lung tluang” an ti bang in US hrang ah cu thil poimawh zet cu a si. A hleice in US military pi ih thlam (image) a siat ter.

Hmaisabik ah hi Wikileaks ih ca pawl hi ron tlak an si maw? Cucu mitam pi ih an suh bikmi a si. Zopawl in an ngan ih ziang sources pawl an nei. Wikileaks ih an tumtah mi pakhat cu Leitlun thudik phorhsauh ding ti a si. Tahṭhimnak ah CNN, Fox News pawl in US national hmel a siat ter ding mi thuthang thuthup pawl an phorh suah dah lo ding. Cuvekin BBC tla in England siatnak thu a phunag ciamco lo ding. Nan Wikileaks cun a phuang. Ziangkhal lole Wikileaks ih ca pawl hi academic ih ruahron ding a tlak lo men ding nan, thuphan ṭheh le dik lo ṭheh cu a si lo. Ruah ding tampi a um. Thazang ka nei pa tawp tiih mah duhduh ih thil tuah a theih lo ti in hmuh suak.

Tu Wikileaks cu American Banks le Paypal pawl in peisa suah a siang nawn lo. Cuhleiah media dang tla in an dodal nan kei cu hih thil cang hi ka lungawi zet. Post Modern ih mizia a fiang tertu thil pakhat tla in ka hmu. Thuthup, thilthup ti hi a ol nawn lo ding (a hleice in ram ṭhangsonak ah).Politics le Raldo ah tla thil mawi lo tuah, a thup le ruk a har vivo ding. Wikileaks cun Media pawl ih hruang a kau ter sinsin. Ralrin ding le tuah ṭul mi in khih hmuh.

[qv-_7f2UyJI]

[HNOnvp5t7Do]

Ronmi: FreeNewbie

Na ruahnak