Ygn United FC in Suan Lam Mang lei

Home » Lehpannak » Ygn United FC in Suan Lam Mang lei

By vcth on November 9, 2017.

Myanmar National League ih Club tumbik pakhat a simi Yangon United FC cun Chin United FC ih Attacking Midfield Suan Lam Mang cu kum 2 lungkimnak thawn an lei tiah theih a si.

Suan Lam Mang, kum 23, cu Chin United a um sungah puai 80 a lek ih goal 21 a thun. 2015 ihsin Myanmar ram ai-awh bawhlung lektu pakhat ah hril a siih Myanmar ram hrangih a goal hmaisabik cu October 13, 2015 ih Laos thawn an lek ttum ah a si.

Suan Lam Mang cu Yangon United a thlennak ihsin tu hnak ih hminthang sin bawhlung lektu pakhat  a si ding zum a um.

Yangon United FC cu MNL 2016-2017 lek kum ah 2nk ngahtu an si. Yangon United cu Myanmar ram milianbik pakhat tiih ruahmi U Tay Za ih ta a si. An head couch cu U Tin Maung Tun a si.

Na ruahnak