Zanthing Kheng

Home » Cahram » Zanthing Kheng

By vcth on June 7, 2013.

Khua pakhatah putar pakhat a um, mah lawng lungleng le umhar ih um a celh lo ruangah a fapa hnen ih um dingin a fapa umnak khua lam ah a pan. A fapa hnen ah cu a thleng. A fapa te innsungsang in lungawi sopar ten an hmuak.

Caan a hung rei vivo. Putar ti fam cu, a kut pawl tla an thia, rawl an hil tlang tikah a fuan ter, darhai tla a tla ter phah, a caan ah rawl einak kheng tla a kuai ter thul.

Cucu a fapa le fapai’ nupi cun hnaihnok an ti zet. An nupa ih lungkimnak in a pa (putar pa) cu cabuai khat ah rawl hil tlang nawn lo in, coka kawmah rawl an ei ter. A hrangah pakan hleice, zanthing pakan tla a salhsak ih kuai thei nawn lo zanthing pakan an hman ter.

Cui a fapa te nupa cun fapa duh um zet kum 4 hrawng a si mi an nei. Voikhatah an fapa te cu inn hmailamah amah lawng hna a tuan rero. A pa in “pate ziang na tuah rero” tiah duhdawtnak le mithmaipan ten a sut. A fapa cun “nangmah le ka nu hrangah nan tar tik ih nan hman dingmi zanthing pakan ka salh rero” tiah a let. Cui an fapate tongkam cun a lung a fiangter puppi. Cuticun an nupa in thlaphang in an um. Innsung in an pu cun tongkam nei lo ten a zoh.

Caankhatah nauhak, cun tlangval – fala, fate cawi, nu le pa, cun putar – pitar ah zo cio kan si theh ding. Curuangah na nu le na pa Upat awla a cang thei tawkin zohkhen tuamhlawm aw. Cuticun mi thlawsuah na si ding.

The Wooden Bowl

The Wooden Bowl

Na ruahnak