Ziang Na Tuah Sak?

Home » Cahram » Ziang Na Tuah Sak?

By vcth on September 8, 2012.

South Africa ram ah Mirang Photo Journalist Kevin Cater cu a mah san ah hminthang zet le leitlun ih theihpitlak rolingmi zuk tampi a rak zuk suak.

South Africa ram ih miburpi thah aw nak (Necklacing) thu tla khawvel ah a than suak thei ih thuhla  a sosang nasa.

South Africa ram ih miphun thleidannak daan (Apartheid) a dodal ruangah tu le tu thawng a tlak cingcing. (Apartheih- Mirang pawl in Midum pawl parah nehsawh zawngih thleidan theinak daan le dun)

Ziang Na Tuah Sak

Sudan ah ramsung ral buai ruangah ei le in ding nei lo in an rak si. Cui san ah internet tu vek a si hrih lo, Mobile Fon  tla cu thotho. Nan, Kevin Cater ih zuamnak le a zuk pawl ruangah nitlaknak ram pawl hnenin bomnak tampi an ngah ih milai nun tampi a rak runsuak.

Nan leitlun hi saduhthah kimnak hmun a si lo hlei ah milai hi soiselbo kan rak si cio lo. A tlunih kan tarmi zuk thu ah, “Ei ding nei lo ih thi zik cuahco nauhak pa te le cui nauhak pa ih ruak ei dingin a hnaktu Langta ih zuk hi 1993 ah Sudan ah a zukmi a si. Hih zuk nih leitlun ram kip mi hmuahhmuah a lau ter, cun, khawvel pi a ṭhangharh. Hih zuk in 1994 ah Pulitzer lawmman a ngah ta riai. Nan hih zuk lala ruangah a nunnak a cemral ta.

Pulitzer lawmman a cohlang ni ih mi pakhat ih thusutnak nih a nun ah hnangamlonak le launak in a khat ter. Cui thusutnak cu, “Hih nauhak te hrangah  ziang na tuah sak ta?” Let sal ding a thei lo.

Cui hnu reilo ah amah le amah thihnak zin hril in a kum 33 ah a nunnak a cem ta.

John LSL

Na ruahnak