Ziangtin Blog Kan Sersiam Ding

Home » V-Tech » Ziangtin Blog Kan Sersiam Ding

By vcth on February 19, 2011.

Tulai sanah company pawl siseh, pawlkom siseh, bulpak siseh, blog nei, website nei hi thil thupi zet a si. Ziang na tuah, ziang na ṭuan ti na thuhla online ah a um lo ahcun tusan ah mi pakhat si ding a ol lo. Kan san cu ṭhanso lam a pan vivo. Curuangah website lole blog nei thei cio ding thazang kan lo pe.

Blog tuah ding kan lo forhfial tikah ‘ziangtin ka tuah ding? ti in sut duh ding ka zum. Blog tuah cu thil har tuk a si lo. Blogger lole Blogspot.com in free in a pek mi blog ziangtin tuah ding ti mal lai ka lo hlawm duh. Blogger cu Google in 2003 ah a lei. Tu google ih ta a si.

Blog nei ding in a hmaisabik na ṭul mi cu google account a si. Goolge account pakhat na nei le thil tampi na ti thei. Gmail, blogger, google adwords, google adsense, Youtube, Google Anglytics, google webmaster tool ti pawl thil dang tampi ah tla hman thei a si. A tlangpi thu in email hrang lawngah kan hmang nan google account cu thuk le kau zet ih hman theih a si.

Google Account (Gmail account theih olnak ah) na nei hnu in blogger.com ah feh aw la sign in tuah aw.

Ziangtin Blog Kan Tuah Dng

Blogger Interface

 

Cutin tuah a ṭulmi tuah vivo aw. Na blog hmin ding ziang a ṭha ti hril aw. Blogger ih a pek mi Free hmin a si le www.xxxxx.blogspot.com ti a si ding. Neta le mah duhmi domain (domain ti cu na website url hmin) thawn thleng leh thei a si. Cutin Blogger back end/page ah na thleng ding.

 

Blogger Sersiam Dan

Blogger account pakhat na nei le blog tampi na tuah thei. A parlam zuk zoh aw, ka google account pakhat asinan blog tampi a si. Cuhlei ah Blog tla a ṭawm aw in tuah theih a si, bawm aw ton theih a si. Ka dashboard ah Lamzin na hmu. A ngaingai ah Lamzin.blogspot cu Philippine lam Unau pawl ta a si. Kei mal lai ka bawm ve men mi a si.

Post kha hment aw la cutin na ca pawl, cahram pawl tar vivo thei a si. Blogger ih a pek mi template kha a ṭha zet ko nan a simple zet. Curuangah a leng professional template thawn tuah le na blog a mawi zet thei. Professional template thawn ziangtin Blog tuah ding ti hmai zarh ah ngan thei ka zuam ding. Theih duhmi a um le comment ah rak ngan aw a cang thei tawk ih lo sawn a tum ding.

Francis Cung Bik

Na ruahnak