Zumnak Timi Cu…

Home » Cahram » Zumnak Timi Cu…

By vcth on September 6, 2012.

Voikhat ah a duh aw zet mi nupa te khual an tlawng. Vokkuang lawng fate thawn tilipi an kan a ṭul. A pasal cun nasa zet in lawng a hlau rero. Tipi a lia fang an thlen ah thlisia, tisuar nasa zet a tho.

A nupi cu a kio a rak, kan thi tlang ding ee. In run uh ee tiah a au. A pasal tla ṭhih cu a duh ve awm ol. Nupa ṭhit awnak rei hlan ih ṭhih ding cu. Lawng hlaunak te cu a kai ih a mit a sing. Thla a cam. Thu pakhat a hmu suak.

An nu in, hi kan thi zik cuahco, ziangah hi tin, lungto bang in na to elel men tiah a mawh thluk. A pasal cun a vainam sau a suah. An nu ih hngawng hram ah sat ding in a tim. A nupi cu a mang a bang. Kan pa hi ziang a tuah ti a ruat. A pasal in, “kan nu vainam sau na hngawng kiang ah ka ret na ṭih maw,’ tiah a sut. An nu in, “ṭih hlah ee” tiah a let. A pasal cu “ziangah na ṭih lo,” tiah a sut sal. A nupi cun, “nang cu in duhdawtu na si si, vainam cu na kut sung ah a um”, tiah a sawn.

A pasal in, “kei tla hi ti suar, thilsia ka ṭih lo. Pathian in in duhdawt ti ka thei. Hih thlisia cu Pathian ih kut sungah a um,” tiah a sawn.

Francis Cung Bik

Na ruahnak